Gli alunni della scuola elementare hanno fatto ricerca grazie ai fondi della legge regionale n°26/97.

Unu  tempus  si  jogaiat...

Chistionande, cricande e faghende zogos e zocattulos de sos tempos colàos, paris cun sos pilocos de iscola semus torraòs biticos noso puru. E sun torraòs biticos finzas sos jajos nostos e tottus sos betzos de sa bidda, chi, cun sos arregordos e cun sas manos nos han'azzudàu a pintare unu mundu chi che pariat ismentigàu. Arrèsonande de sos tempos antigos, sos pilocos de como e noso puru hamus torràu a biver, cun sos bisajos nostos, cuddos tempos chi si jogaìat pagu e sos zogos funt pagos, ma cando si jogaìat fut semper in paghe e allerghìa. Nant issos, cà cand' 'unin minores, sas cosas, non funt comente a como, sos zogos si-dos faghìan issos, si-dos imbentaìan, e donnia occasione 'ut bona po jogare. Jogos comporàos non d'esistiat; in sas buttegas de bidda non si nd'accattaìat e sas familias funt pòveras, cà 'inare che nd'haìat pagu e servìat po' comporare àtteras cosas prus necessarias. Però sos mannos, cando tenìan tempus, azudaìant sos minores a fagher sos cocàttuols cun tzàppulos, 'uttones, tappos de ampulla, ma su prus de sas bortas sos zogos dos faghìan cun cosas chi s'accattan in su monte: 'orticu, iscarìa, sammucu, fèrula, lande, linna e finzas erbas e frores. Su tempus po' jogare 'ut pagu - sizin'a contare sos mannos - cà tottus traballaìan e finzas sos pilocos, in su pagu, deppiant azudare in crachi cosa po' tirare ainnantis s' 'amilia. Su tempus de su jogu 'ut unu mandu mannu e issos po' cussu d'aggradeschìan prus de como, cando podìan zogare 'un semper cuntentos e allirgos. Si 'ut tempus bonu, comente comintzaìat beranu e finzas a s'atonzu, zogaìan in sa parzas e in sas carrelas, mancheri prenos de pruìne e male cartzaòs, non comente a como, chi non faghet manc'a zogare in foras cà colan sas màcchinas semper zuminde. Su prus de sas bortas fun a frottas, non bidìas mai pilocu solu, cà 'ut prus bellu tottus paris; solu crachi borta attobia'as calegunu cun su cricu o cun su tiralàsticu, ma mancheri 'ut andande a attobiare sos cumpanzos. Ammentande sos tempos colàos hamus imparàu cà a torrare in segus, crachi borta, servit a penzare cà forzis su 'e òe nò est tottu bonu, cà s'allerghìa, sa paghe e sa gana 'e jogare, sos zogos fattos cun nudda e sas frottas de pilocos cuntentos in sas carrelas non si podent comporare cun su inare. semus cuntentos de hàer azudàu sos pilocos de òe a cumprender cosas chi si nono abarraiant solu che tesoro isserràu in sa memoria de sos jajos nostos, ma semus cuntentos finzas cà sos bezzos, assumancu po pagu, sun torràos pilocheddos paris cun noso.

s'iscola 

    Clicca sulle immagini       

S'Istrumpa	Su Pinzu	Luna 'e monte	Su jogu de sas balloreddas	Su Criccu	Su Telefono	Su Cobaddu	Tiriteras